"Тәуелсіз бақылаушылар" бірлестігі кезектен тыс президент сайлау қарсаңында қысым көріп отырғанын айтады. Оларға қарсы ақпараттық шабуыл ұйымдастырылып, тренинг өткізуге кедергі жасалған. Сарапшылар кейінгі кезде азаматтық қоғамға қысым күшейгенін байқаған.
8 қарашада қаржы нарығын реттеу және дамыту агенттігі микроқаржы ұйымдарынан қарыз алған 28 мың борышкердің несиесі кешірілуі мүмкін деп мәлімдеді. Сарапшылар мұны "сайлау алдындағы популизмге" балайды.
Президент сайлауына кандидат Қасым-Жомарт Тоқаевтың сайлауалды үгіт-насихат науқанына тұтас мәжіліс жұмылған. Депутаттар өңір аралап, елді үміткеріне дауыс беруге шақырып жүр. Бұл – парламент жұмысына кедергі емес пе?
20 қарашадағы президент сайлауы кезінде Алматыда 600-ден астам учаске жұмыс істейді. Олар қазірден бастап дайындыққа кірісіп кеті. Азаттық тілшісі бірнеше учаскені аралап, комиссия мүшелерімен сөйлесті.
11 шілде күні Қырғызстанның Бішкек, Ош және Тоқмақ қалаларында мәслихат депутаттарын қайта сайлап жатыр. Оған ел астанасында 18, Ошта 8, Тоқмақта 6 партия қатысып жатыр. Елде бүкілреспубликалық мәслихат сайлауы 11 сәуірде өткен. Бірақ ОСК осы үш қаладағы сайлаудың нәтижесін жойған.
Қазақстан экс-президентінің қызы Дариға Назарбаеваның парламентке оралуы әкесінің биліктегі орнын басуы мүмкін дегенді білдіре ме? Азаттық PRISM консалтинг агенттігінің жетекші сарапшысы Бенджамин Годвиннен сұхбат алды.
34 жастағы Қанат Мұратбеков 10 қаңтарда Қазақстанда өткен сайлауда "Тәуелсіз бақылаушылар" ұйымы атынан Алматыдағы сайлау учаскесінде алғаш рет бақылаушы болды. Бақылаушыларға тамақ пен құжат тасып, екі тәулік ұйқы көрмеді, дұрыс тамақ та ішпеді. Бар мақсаты – сайлаудың әділ өтуіне көз жеткізу.
Парламент сайлауы болған 10 қаңтар күні билікке наразылық білдіріп көшеге шыққан жүздеген адамды полиция ұстады. Ішкі істер министрлігі "ұсталғандар босатылды, бірде-бірі жазаланбады" дегенімен, сол күні онға жуық адам әкімшілік қамауға алынып, бірнешеуіне айыппұл салынған, кейбірі әлі қамауда отыр.
Мәжіліске өткен әр депутатқа тапсырылған төсбелгінің құны 303 мың теңге. Нұр-Сұлтанға әр аймақтан келген парламенттің жаңа мүшелері бюджет есебінен қымбат қонақ үйге орналасқан. Қазақстандық кейбір сайт қонақ үй иесі Түркістан облысының әкімі Өмірзақ Шөкеевтің туыстарымен аттас екенін жазды.
10 қаңтарда өткен сайлау биліктің бақылаушыны сайлаудың таза, әділ өтуін қамтамасыз ететін институт өкілі деп емес, аяққа оратылған біреу деп санайтынын тағы да бір көрсетті. Тәуелсіз бақылаушыны сайлау учаскесіне кіргізбей қойды, жұмысына бөгет жасады, дауыс санап жатқанда шығарып жіберді.
Тағы
